Dohada shopping: Qatarning eng yaxshi savdo markazlari va bozorlar

Qatarda savdo: Dohani mintaqaning yangi shopping poytaxtiga aylantirayotgan omillar

Agar sayohatingizni Qatardagi shopping’­siz tasavvur qilmasangiz, Doha shahri Siz uchun eng yaxshi tanlovlardan biri bo‘lishi mumkin.

Bu yerda Qatardagi hashamatli brendlar do‘konlari — Hermès, Versace, Dior kabi nomlar, yuzlab do‘konlar va butun oila uchun ko‘ngilochar maskanlarga ega yirik savdo markazlari, shuningdek, mahalliy hunarmandlar yaratgan buyumlar, gilamlar, antiqa buyumlar, zargarlik mahsulotlari va hatto mebellarni topish mumkin bo‘lgan an’anaviy bozorlar mavjud.

Bundan tashqari, Qatarda savdo soliqsiz amalga oshiriladi, shu sababli xaridlar ko‘pincha BAAga qaraganda yanada qulayroq bo‘ladi.

Biz Dohada shopping qilish uchun mahalliy aholi tavsiya etadigan eng yaxshi joylar ro‘yxatini tayyorladik.

Place Vendome Mall

Doha shahridagi eng yangi savdo markazlaridan biri bo‘lib, 2022 yilda ochilgan.

Bu yerda Dior, Fendi, Saint Laurent, Chloé, Loewe va boshqa ko‘plab hashamatli brendlar butiklari joylashgan. Shuningdek, uch qavatli flagman Sephora Doha do‘koni mavjud bo‘lib, uning tom qismida ham maxsus savdo zonasi tashkil etilgan.

Bundan tashqari, Place Vendome Mall’ning ochiq maydonida har kuni soat 19:00 dan 23:00 gacha raqsga tushuvchi favvoralar shousi o‘tkaziladi.

Manzil: Lusail City

Doha Festival City

Qatardagi eng mashhur oilaviy savdo markazlaridan biri bo‘lib, bu yerda shopping va bolalar uchun ko‘ngilochar maskanlar uyg‘unlashgan.

Savdo markazida xalqaro brendlar do‘konlari, shuningdek, butun oila uchun mo‘ljallangan Angry Birds World attraksionlar parki mavjud.

Shuningdek, Snow Dunes qor parki tashrif buyuruvchilarga qorli tepaliklarda uchish, qor o‘ynash va Qatarning issiq iqlimida ham qishona muhitdan bahramand bo‘lish imkonini beradi.

Manzil: Doha, 2071 Umm Salal Mohammad

Galeries Lafayette

Mashhur fransuz univermagining Qatardagi filiali va Dohadagi eng nufuzli hashamatli shopping maskanlaridan biri.

Bu yerda Kenzo, Chopard, Michael Kors kabi 400 dan ortiq jahon brendlari taqdim etilgan. Mahalliy aholi Galeries Lafayette Doha’ni moda va nafislik ixlosmandlari uchun eng yaxshi manzil deb hisoblaydi.

Manzil: Doha, 21 High St, Katara Cultural Village

The Pearl Qatar

Marvarid ipi shaklida qurilgan sun’iy orol — Qatardagi hashamatli shoppingning asosiy hududlaridan biri.

Bu yerda premium brendlar butiklari joylashgan. Streetwear va krossovkalar muxlislari Loft do‘koniga tashrif buyurishlari mumkin, yuqori moda ixlosmandlariga esa Perlei Couture tavsiya etiladi.

Xaridlardan so‘ng Venetsiya uslubidagi Qanat Quartier hududida sayr qilish va kanallar bo‘ylab qayiqda suzish mumkin.

Manzil: Doha, The Pearl

Al Hazm

Italiya uslubida barpo etilgan, Qatardagi eng qimmat va atmosferali savdo markazlaridan biri.

Al Hazm Mall qurilishida turli mamlakatlardan keltirilgan materiallar ishlatilgan, interyerning ko‘plab elementlari qo‘lda tayyorlangan.

Bu yerda Sole Avenue, Style de Vie, Tardini va Arabian Notes kabi eksklyuziv butiklar joylashgan.

Manzil: Doha, Al Markhiya Street

Souq Waqif

Souq Waqif — Dohadagi shoppingni haqiqiy madaniy sayohatga aylantiradigan an’anaviy arab bozori.

Tor ko‘chalar, tosh binolar va qadimiy savdo rastalari o‘tmish muhitini yaratadi. Bu yerda ziravorlar, matolar, zargarlik buyumlari, antiqa ashyolar va Qatarga xos boshqa mahsulotlarni xarid qilish mumkin.

Shuningdek, Souq Waqif muhim madaniy markaz bo‘lib, bu yerda tomoshalar, milliy musiqa va an’anaviy oshxonaga ega restoranlar faoliyat yuritadi.

Manzil: Doha, Souq Waqif





Qatardagi shopping olamiga sho‘ng‘ing — bu yerda Sizni noyob sovg‘alar, hashamatli butiklar, mashhur brendlar va cheksiz xarid imkoniyatlari kutmoqda. Maxsus buyum izlayotgan bo‘lsangiz ham, garderobingizni yangilashni rejalashtirayotgan bo‘lsangiz ham, Qatar Sizga keng tanlovni taklif etadi.

Agar Siz Qatarga sayohat rejalashtirayotgan bo‘lsangiz, ushbu maqola Dohadagi eng yaxshi shopping maskanlari bo‘yicha qulay va amaliy qo‘llanma bo‘lib xizmat qiladi.

Qatarga aviachiptalarni bizning saytimiz orqali xarid qilishingiz mumkin, agar tayyor yechimlarni afzal ko‘rsangiz — professional mutaxassislarimiz Sizning xohish va dam olish formatiga mos keladigan optimal turni tanlab berishadi.

Maslahat va bron qilish uchun 1240 qisqa raqamiga qo‘ng‘iroq qilishingiz kifoya — barcha tashkiliy masalalarni mamnuniyat bilan o‘z zimmamizga olamiz.